Sos Logos

Pretzisamente sos logos ant a èssere protagonistas de su fèstival. S'Ipogeu istòricu, s'EX Mà, sas pratzigheddas de sa bidda, sa biblioteca. Cherimus punnare a un'ispìritu populare e in de badas de su fèstival, cun progetos ancorados meda a su tessìngiu sotziale in chi sunt rapresentados. Cun s'antiprima de sàbadu ant a èssere organizadas leturas de poesia e contos in sa curnisa ammajadora de s'ipogeu istòricu de sa bidda e un'ismurzu (pic-nic) chi punnet a sa cunvivialesa de s'eventu. Sa prima editzione de su 2018 at a punnare a su trisinamentu de iscritores, artistas, mùsicos e artesanos. Sos duos addòbios ant a impinnare un'iscuadra organizativa cumposta dae assòtzios e voluntàrios de su logu. Unu fèstival de literaduras in foras de sos ischemas, chi punnat a conchistare tzentralidade de su nord Sardigna. Un'addòbiu chi cheret devènnere patrimòniu de sa comunidade chi lu acasàgiat e chi, atraesse sa campagna de regorta colletiva (crowdfunding) chèrfida dae Catartica Edizioni pro collire cuntributos, cheret rèndere su fèstival de a beru de totus atraesse una partetzipatzione direta in sa nàschida e in s'organizatzione.